جے پور : راجستھان قانون ساز اسمبلی میں آج سال 2021-22 کے بجٹ پر عام بحث میں بی جے پی کے ستیش پونیا کے درمیان میں تقریر ، تبصرے اور الزامات اور بی جے پی ممبران کے نعرے لگانے پر اسپیکر راجندر پاریک نے ایوان کی کارروائی آدھے گھنٹے تک ملتوی کردی۔مسٹر پونیا خواندگی کی شرح کا حوالہ دے رہے تھے ، جب پارلیمانی امور کے وزیر شانتی دھاریوال نے کہا کہ شرح خواندگی کے ساتھ ہی یہ بھی بتائیں کہ دس سال پہلے پٹرول کی قیمت کتنی تھی۔ اس پر بی جے پی ممبران مشتعل ہوگئے ۔ اسپیکر نے ممبروں کو تسلی دی ، لیکن مسٹر دھاریوال کے کالے دھن کے تبصرے سے بی جے پی ممبران ن اکھڑ گئے ۔ایوان کا ماحول بہتر ہونے پر مسٹر پونیا نے ایک بار پھر تقریر کا آغاز کیا اور کہا کہ 6 مارچ سے کانگریس کی بد انتظامی کے خلاف تحریک چلائے گی۔ کانگریس کے ممبروں نے اس کی مخالفت کی۔ وزیر ٹرانسپورٹ پرتاپ سنگھ کھاچریاواس نے جب یہ کہا کہ دھمکی دے رہے ہیں کیا، اس پر بی جے پی ممبران پھر مشتعل ہوگئے ۔
