جیسلمیر: بارڈر سیکورٹی فورس (بی ایس ایف) نے راجستھان کے جیسلمیر ضلع کے سرحدی سام تھانہ علاقے میں ایک مشتبہ بنگلہ دیشی شہری کو گرفتار کیا ہے ۔سرکاری ذرائع نے ہفتہ کو بتایا کہ بی ایس ایف کو ایک مخبر سے اطلاع ملی کہ حمیر ی بستی میں ایک مشکوک شخص گھوم رہا ہے ، جس کے بعد بی ایس ایف کی انٹیلی جنس برانچ کے اہلکاروں نے جمعہ کی صبح اسے گرفتار کرلیا۔ پوچھ گچھ پر اس کی شناخت محمد فضل (30) کے طور پر ہوئی جو بنگلہ دیشی شہری ہے ۔ بی ایس ایف نے اسے سام تھانے کے حوالے کر دیا، جہاں مکمل پوچھ گچھ کے بعد اسے انٹیلی جنس برانچ کے حوالے کر دیا گیا۔
ذرائع کا کہنا ہے کہ ابتدائی تحقیقات سے معلوم ہوا ہے کہ محمد فضل تقریباً تین سال قبل درست ویزے پر ہوائی جہاز کے ذریعے ہندستان آیا تھا۔ بعد ازاں وہ اپنے ویزا کی میعاد ختم ہونے کے بعد بھی ہندوستان میں غیر قانونی طور پر گھومتا رہا۔وہ کا پاسپورٹ، موبائل فون اور دیگر دستاویزات کے ساتھ کہاں گھومتا رہا اور کس کے رابطہ میں رہا ، وہ اس بارے میں کوئی معلومات فراہم نہیں کر رہا ہے وہ اس پاکستان سے ملحق سرحدی علاقہ میں کیوں آیا، فی الحال اس کی معلومات نہیں دے رہا ہے ، اس سے پوچھ گچھ کی جارہی ہے ۔