مہنگائی پر راہول گاندھی کا مودی حکومت پر طنز
نئی دہلی،26 مارچ (یواین آئی) کانگریس کے سابق صدر راہول گاندھی نے مہنگائی کے سلسلے میں چند سطروں کی نظم میں حکومت پر سخت طنز کرتے ہوئے کہا ہے کہ وہ اپنے لئے خوشحالی کا محل بنانے میں مصروف ہے اور عوام مہنگائی کی مار سے پریشان ہیں۔گاندھی نے ٹویٹ کیا،‘‘راجہ کرے محل کی تیاری،پرجا بیچاری مہنگائی کی ماری۔’’اس کے ساتھ ہی انہوں نے میڈیا کے کچھ ٹویٹ کا ذکر کیا ہے جن میں کہا گیا ہے کہ پٹرول؍ ڈیزل کی قیمتیں آؤٹ آف کنٹرول ہوگئی ہیں اور پانچ دن میں ان کی شرح 3.20 روپے فی لیٹر بڑھی ہے جبکہ گھریلو سلینڈر کی قیمت میں 50 روپے تک اضافہ ہوگیا ہے۔
