نئی دہلی : راجیہ سبھا کے چیئرمین ایم ونکیا نائیڈو نے ایوان میں ممبران کو موبائل فون کا استعمال نہ کرنے کی تنبیہ کرتے ہوئے کہا کہ اسے ایوان کی توہین سمجھا جائے گا۔چہارشنبہ کی صبح ایوان کی کارروائی کا آغاز کرتے ہوئے مسٹر نائیڈو نے ایوان کے ممبروں کو بتایا کہ ایوان میں موبائل فون کا استعمال نہیں کیا جانا چاہئے ۔ انہوں نے افسوس کا اظہار کیا کہ کچھ ممبران ایوان میں کارروائی کی ویڈیو موبائل فون پر بنا رہے تھے اور اسے سوشل میڈیا پر شیئر کررہے تھے ۔ انہوں نے کہا کہ ایوان میں موبائل فون کا استعمال ممنوع ہے ۔
