نئی دہلی: وزیر مملکت برائے خزانہ پنکج چودھری نے چہارشنبہ کو راجیہ سبھا میں رواں مالی سال کیلئے 129348.85 کروڑ روپے کی گرانٹ کی پہلی ضمنی مطالبات پیش کئے ۔ چودھری نے کہا کہ گرانٹس کیلئے یہ پہلا ضمنی مطالبہ 79 گرانٹس اور چار تخصیصات پر مشتمل ہے جس میں 129348.85 کروڑ روپے کے مجموعی اضافی اخراجات کو منظور کرنے کیلئے پارلیمنٹ کی منظوری طلب کی گئی ہے ۔
وزیرمملکت نے کہا کہ اس میں 58378.21 کروڑ روپے کے کل خالص نقد اخراجات سے متعلق تجاویز شامل ہیں۔ اس کے ساتھ وزارتوں اور محکموں کی کل 70968.15 کروڑ روپے کی وصولیاں بھی اس میں شامل کی گئی ہیں، اس کے علاوہ 2.49 کروڑ روپے کے ٹوکن پروویژن بنائے گئے ہیں جس میں نئی خدمات یا خدمات سے متعلق اخراجات کی مانگ کی گئی ہے ۔