بلاسپور: راجیہ سبھا کے سابق رکن پارلیمنٹ اور چھتیس گڑھ سے کانگریس کے سابق ایم ایل اے رامادھار کشیپ کا منگل کو دل کا دورہ پڑنے کے سبب دیہانت ہوگیا۔ ان کی عمر 84 برس تھی۔کشیپ کو صبح تقریبا 03.00 بجے دل کا دورہ پڑنے کے بعد فوری طور پر ہاسپٹل لے جایا گیا جہاں ڈاکٹروں نے انہیں مردہ قرار دے دیا۔کشیپ نے چھتیس گڑھ ریاست کی تحریک میں قائدانہ کردار ادا کیا تھا۔اس مطالبے پر انہوں نے غیر منقسم مدھیہ پردیش کی اسمبلی میں ایک پرچہ پھینکا تھا۔کشیپ 2002میں راجیہ سبھا کے رکن منتخب ہوئے تھے ۔ سال 2003 میں راجیہ سبھا رکن کی حیثیت سے انہوں نے اکلتارا اسمبلی سیٹ سے الیکشن لڑا اور کامیابی حاصل کی۔
