تعطل ختم کرنے فلور لیڈرس کا حکومت کیساتھ آج اجلاس
نئی دہلی: راجیہ سبھا کے 12 ارکان کی مکمل سرمائی سیشن سے معطلی کے خلاف اپوزیشن کا احتجاج جاری ہے۔ ایوان میں اس کے خلاف مسلسل احتجاج پر کام کاج متاثر ہورہا ہے۔ تعطل کو ختم کرنے کیلئے وزیر پارلیمانی امور پرہلاد جوشی نے پیر کو معطل شدہ ارکان کی جماعتوں کے فلور لیڈرس کا اجلاس طلب کیا ہے جس میں اس مسئلہ کی یکسوئی پر تبادلہ خیال کیا جائے گا۔ گذشتہ اجلاس میں ان ارکان کی ہنگامہ آرائی پر انہیں سرمائی اجلاس سے معطل کرنے کا فیصلہ کیا گیا اور ان سے معذرت خواہی کرنے کو کہا جارہا ہے۔ دوسری طرف تمام اپوزیشن جماعتوں کے قائدین معطلی کے خلاف پارلیمنٹ کے احاطہ میں مجسمہ گاندھی کے روبرو مسلسل احتجاج کررہے ہیں۔ کانگریس، ترنمول کانگریس، سی پی آئی، سی پی آئی ایم اور شیوسینا کے فلور لیڈرس کو طلب کیا گیا ہے۔
