نئی دہلی۔ 28 فروری (یو این آئی) خواتین کو بااختیار اور بیدار بنانے کے مقصد سے یہاں کے وگیان بھون میں 7 اور 8 مارچ کو ’بھارتیہ ناری سے نارائنی‘ کانفرنس کا انعقاد ہونے جا رہا ہے ، جس میں صدرِ جمہوریہ دروپدی مرمو بھی شرکت کریں گی۔ اس دو روزہ قومی کانفرنس میں مرمو 8 مارچ کو حصہ لیں گی اور وہ یہاں ایک گھنٹے تک قیام کریں گی۔ اس کانفرنس کا انعقاد راشٹریہ سویم سیوک سنگھ (آر ایس) سے وابستہ تنظیم ’راشٹریہ سیویکا سمیتی‘ اور شرنیا بھارتیہ ودوت پریشدبی وی پی کے تعاون سے کر رہی ہے ۔ان تنظیموں کی نمائندوں نے ہفتہ کے روز یہاں ایک پریس کانفرنس میں بتایا کہ خواتین کی فلاح و بہبود کے لیے منعقد ہونے والی اس کانفرنس کا افتتاح دہلی کی وزیر اعلیٰ ریکھا گپتا 7 مارچ کو کریں گی۔ وہیں مرمو اس کانفرنس میں 8 مارچ کو شامل ہوں گی۔ وہ اس تقریب میں 8 مارچ کو شام 4 بجے سے 5 بجے تک موجود رہیں گی۔ انہوں نے اس کے لیے اپنی رضامندی ظاہر کر دی ہے ۔ نامہ نگاروں سے خطاب کرتے ہوئے بی وی پی کی سکریٹری پروفیسر شیوانی وی، راشٹریہ سیویکا سمیتی کی سربراہ محترمہ سیتا گایتری انادانم، راشٹریہ سیویکا سمیتی دہلی صوبے کی انچارج ڈاکٹر رچنا واجپئی اور شرنیا کی صدر انجو آہوجہ نے تفصیلات فراہم کیں۔ انہوں نے بتایا کہ اس کانفرنس میں مرکزی وزیر تعلیم دھرمیندر پردھان اور مرکزی وزیر جتیندر سنگھ سمیت کئی دیگر وزراء بھی شریک ہوں گے ۔
