ایلوپیتھی کے بارے میں یوگا گرو رام دیو کے متنازعہ بیان سے ناراض ڈاکٹرزآج ملک بھر میں یوم سیاہ منا رہے ہیں جن ڈاکٹروں کے لیے تالی اورتھالی بجوائی گئی تھی۔ ڈاکٹر اپنی ڈیوٹی سرانجام دے رہے ہیں لیکن ان کے ہاتھوں پر کالی پٹی بندھی ہوئی ہے۔ ڈاکٹروں کا مطالبہ ہے کہ رام دیوکے خلاف وباایکٹ کے تحت مقدمہ درج کیاجائے ۔اگر رام دیو کے خلاف کارروائی نہ کی گئی تو عدالت کا راستہ بھی اختیار کیا جائے گا۔ فیڈریشن آف ریذیڈنٹ ڈاکٹرز ایسوسی ایشن (فورڈا) کے مطابق ، صفدرجنگ اسپتال ، لیڈی ہارڈنگ میڈیکل کالج ہاسپتال ، ہندورائو اسپتال ، سنجے گاندھی میموریل ہسپتال ، بی آر۔ امبیڈکر ہسپتال کی ریذیڈنٹ ڈاکٹرز ایسوسی ایشن (آر ڈی اے) اس تحریک میں شامل ہوگئی ہے اور کچھ دیگر افراد بھی اس میں شامل ہونے جارہے ہیں۔فورڈا کے ایک سینئر عہدیدارنے کہاہے کہ رام دیو کے تبصرے کے خلاف ہمارا احتجاج آج صبح شروع ہوا۔ اس کے پاس ایلوپیتھی کے بارے میں بولنے کی صلاحیت بھی نہیں ہے۔ اس سے ان ڈاکٹروں کے حوصلے متاثر ہوئے ہیں جو روزانہ (کوویڈ۔19) وبائی مرض سے لڑ رہے ہیں۔ ہمارا مطالبہ ہے کہ وہ سرعام غیر مشروط معافی مانگیں۔بصورت دیگر ان کے خلاف وبائی امراض ایکٹ کے تحت کارروائی کی جانی چاہیے۔
