۔44 دنوں میں 2,100 کروڑ روپئے جمع
ایودھیا:ایودھیا میں رام مندر کی تعمیر کیلئے ہفتہ کی شام تک 2100 کروڑ روپئے کا چندہ جمع ہو گیا۔ اس وقت رام مند رکی تعمیر پر 1500 کروڑ روپئے لاگت آنے کا تخمینہ تھا، جس کا مطلب ہے کہ یہ تخمینے سے زائدہے۔ پہلے اس کا تخمینہ 1100 کروڑ روپے تھا ، لیکن فاؤنڈیشن پلان کو تبدیل کرنے کی وجہ سے لاگت میں اضافہ ہوا۔وشوا ہندو پریشد نے 15 جنوری سے فنڈ جمع کرنے کی مہم شروع کی تھی، ہدف 44 دن میں مکمل کیا جانا تھا۔ ان ریاستوں میں فنڈنگ کی جارہی ہے جہاں مہم تاخیر سے شروع ہوئی۔ اس صورتحال میں رقم میں مزید اضافہ ہواہے۔رام جنم بھومی ٹرسٹ کے خزانچی سوامی گووند دیو گری نے کہا کہ مستقبل میں نئی اسکیموں کے مطابق لاگت میں اضافہ کیا جا سکتا ہے۔اگر ایسا ہوتا ہے تو چندہ مہم دوبارہ شروع کی جاسکتی ہے۔اسی دوران ٹرسٹ کے جنرل سکریٹری چمپت رائے کا کہنا ہے کہ اس پر کتنی لاگت آئے گی ، اس کی کوئی حدمقرر نہیں ہے۔مندر تعمیر ہونے کے بعد اسے بھی وسعت دینی ہوگی۔سوامی گووند دیو گری نے کہا کہ متعدد افراد کے فنڈز بینکوں میں جمع کروانے کا عمل جاری ہے۔ تفصیلات مارچ کے آخر تک مکمل ہوسکتی ہیں۔انہوں نے کہا کہ بیرون ملک مقیم افراد بھی یہ مہم وہاں چلانے کا مطالبہ کررہے ہیں،اس سے چندہ اکٹھا کرنے کا فیصلہ مندر ٹرسٹ کے عہدیداروں کی میٹنگ میں کیاجائے