نئی دہلی:کانگریس کے رہنما راہل گاندھی نے جھارکھنڈ ہائی کورٹ میں نچلی عدالت کے اس حکم کو چیلنج کیا ہے جس میں انہیں 22 مئی کو ان کے خلاف ‘مودی سرنام’ ہتک عزت کیس کی سماعت کے دوران ذاتی طور پر حاضر ہونے کو کہا تھا۔
راہل گاندھی نے جھارکھنڈ ہائی کورٹ میں وکیل کے ذریعہ عرضی داخل کی ہے۔3 مئی کو رانچی کی ایک ایم پی-ایم ایل اے عدالت نے سی آر پی سی کی دفعہ 305 سے متعلق گاندھی کی عرضی کو مسترد کر دیا تھا۔ اس عرضی میں یہ کہا گیا تھا کہ کیس کے سماعت کے دوران انہیں ذاتی طورپر حاضری سے مستثنی قرار د یا جائے۔
ایم پی-ایم ایل اے عدالت نے گاندھی کی عرضی کو یہ کہتے ہوئے خارج کر دیا تھا کہ کانگریس لیڈر نے ذاتی حاضری سے مستثنیٰ ہونے کی کوئی خاص وجہ یا کسی خاص حالات کا حوالہ نہیں دیا ہے۔ عدالت نے مزید کہا کہ قانون سب کے لیے برابر ہے اس لیے گاندھی کو سماعت کے دوران موجود ہونا راہل گاندھی کو عدالت میں رہنا چاہیے ۔