راہل گاندھی نے چین کے ساتھ سرحدی معاملے پر وزیر اعظم کی خاموشی پر سوال اٹھائے
نئی دہلی: کانگریس رہنما راہل گاندھی نے بدھ کے روز الزام لگایا کہ چین نے لداخ میں ہندوستان کا علاقہ چھین لیا ہے اور اس معاملے پر وزیر اعظم خاموش کیوں ہیں؟
“لداخ میں چینی باشندے داخل ہوئے اور ہمارا علاقہ سنبھال لیا۔ اسی دوران وزیر اعظم بالکل خاموش ہیں اور وہ منظر سے غائب ہوگئے ہیں “انہوں نے ٹویٹر پر کہا۔
انہوں نے ایک نیوز آرٹیکل کو ٹیگ کیا جس میں یہ دعوی کیا گیا ہے کہ چین نے فوجی سطح پر بات چیت کے دوران ایک سخت لکیر اختیار کی ہے اور انہوں نے وادی گیلوان اور پیانگونگ تسو کے تمام حصوں پر دعوی کیا ہے۔
گاندھی حکومت سے سرحدی معاملے پر اپنا موقف واضح کرنے کا مطالبہ کر رہے ہیں اور سوال کیا ہے کیا لداخ خطے میں چین نے ہندوستانی سرزمین پر قبضہ کرلیا ہے۔