کانگریس کے سابق صدر راہل گاندھی نے دفاعی بجٹ پر وزیر اعظم نریندر مودی کو نشانہ بناتے ہوئے کہا کہ انہیں کسانوں اور جوانوں میں سے کسی کی فکر نہيں ہے اور وہ صرف اپنے تین چار سرمایہ دار دوستوں کی مدد کے لئے کام کرتے ہیں۔حکومت نے دفاعی شعبے کے بجٹ میں کٹوتی کرکے نہ صرف فوجیوں کو نظرانداز کیا ہے،بلکہ ان جوانوں کی پنشن میں بھی کمی کی ہے جنہوں نے اپنی جوانی ملک کی خدمت میں لگا رکھی ہے۔”بجٹ میں فوجیوں کی پنشن میں بھی کٹوتی۔نہ نوجوان اور نہ کسان، مودی سرکار کے لئے صرف 3-4 صنعتکار دوست ہی بھگوان”۔کانگریس کی میڈیا سیل کے سربراہ رندیپ سنگھ سورجے والا نے بھی وزیر اعظم نریندر مودی پر حملہ کرتے ہوئے کہا کہ اب تک 210 کسان احتجاج کرتے ہوئے دم توڑ چکے ہیں لیکن وزیر اعظم نریندر مودی کسانوں کے مطالبات نہ تسلیم کرنے کی ضد پر اٹل ہيں۔