نئی دہلی۔کانگریس کے سابق صدر راہول گاندھی نے چینی فوجیوں کی دراندازی کے سلسلے میں وزیراعظم نریندرمودی پر پھر نشانہ لگاتے ہوئے اتوار کو طنز کیا کہ ان کے ہوتے ہوئے چین نے ہندوستان کی زمین پر کیسے قبضہ کیا ہے ۔ گاندھی نے ٹویٹ کیا،‘‘ایسا کیا ہوا کہ مودی جی کے رہتے ہوئے بھارت ماں کی پاک زمین کو چین نے چھین لیا۔‘‘کانگریس لیڈر چینی دراندازی کے سلسلے میں مسلسل مودی پر طنز کررہے ہیں اور سرحد پر حقیقت میں کیا حالات ہیں ،اس سلسلے میں ملک کو معلومات دینے کی ان سے اپیل کررہے ہیں۔