نئی دہلی : کانگریس نے جمعہ کو کہا کہ مرکز اور کیرالا حکومت کے بے حس رویے کی وجہ سے کاجو کے کاروبار کے لیے مشہور کولم میں 700 تاجروں کو کام بند کرنے پر مجبور ہونا پڑا ہے ، جس کی وجہ سے کاجو مزدور کے سامنے بے روزگاری کا مسئلہ کھڑا ہو گیا ہے ۔کانگریس نے کہا ہے کہ پچھلے کچھ سالوں میں کاجو کے تاجروں کو زیادہ نقصان ہوا ہے اور اس کی وجہ سے آج لاکھوں کاجو مزدور بے روزگار ہو گئے ہیں۔ پارٹی نے کیرالہ کے کاجو مزدوروں کی حالت زار کے لیے مرکزی اور ریاستی حکومت کو ذمہ دار ٹھہرایا اور الزام لگایا کہ نہ تو مرکزی حکومت سنجیدہ ہے اور نہ ہی ریاستی حکومت ان کے مسائل کے حل پر توجہ دے رہی ہے ۔پارٹی نے کہاکہ “کیرالہ کا کولم ضلع ایک زمانے میں دنیا میں کاجو کی راجدھانی کے طور پر مشہور تھا، جہاں پچھلے کچھ سالوں میں 780 لائسنس یافتہ کاجو فیکٹریوں میں سے 80 سے بھی کم بچ گئے ہیں۔’’کانگریس میڈیا شعبہ کے انچارج جے رام رمیش نے کہا کہ کانگریس کے سابق صدر راہول گاندھی کاجو کارکنوں کی حالت زار کو سمجھتے ہیں، اس لیے انہوں نے آج بھارت جوڑو یاترا کے دوران کاجو کارکنوں سے بات چیت کی۔
