نئی دہلی ۔ کانگریس کے سابق صدر راہول گاندھی نے کورونا ویکسین کی قلت کے سلسلے میں حکومت پر ہفتہ کے روزپھرحملہ کیا اور گرافک کی مدد سے سمجھایا کہ کس طرح سے یکم جولائی تک 12 دنوں میں ویکسین کی قلت کی وجہ سے ٹیکہ کاری کا ہدف حاصل نہیں کیا جا سکا۔ گاندھی نے ایک جملے میں ٹویٹ کیا فرق پر دھیان دیجئے ۔ کہاں ہے ویکسین ۔ انہوں نے گرافک کے ذریعہ سمجھایا کہ کورونا کی تیسری ممکنہ لہرکا مقابلہ کرنے کے لئے 18 جون کو یومیہ 69.5 لاکھ ویکسینیشن کا ہدف تھا، لیکن یکم جولائی تک ہدف سے 27 فیصد کم محض 50.8 لاکھ افراد کو یومیہ ٹیکے لگائے گئے ۔ واضح رہے کہ کورونا ویکسین کی کمی کی وجہ سے گاندھی حکومت کو مسلسل تنقید کا نشانہ بنا رہے ہیں ، جس پر حکومت کے وزرا بھی اپنا رد عمل ظاہر کر رہے ہیں ۔ اس سے واضح ہے کہ حکومت گاندھی کے سوالوں سے پریشان ہے ۔
