بنگلورو : کانگریس لیڈر راہول گاندھی نے ہفتہ کے روز وزیر اعلیٰ سدارامیا پر زور دیا کہ وہ کرناٹک میں ہاسن سے ایم پی پراجول ریونا کے ذریعہ مبینہ جنسی ہراسانی کے معاملات میں فوری کارروائی کرنے اور متاثرین کو مدد فراہم کرنے کی اپیل کی۔ گاندھی نے سدارامیا کو لکھے ایک خط میں خواتین کے لئے انصاف کے لئے کھڑے ہونے کی کانگریس پارٹی کی اخلاقی ذمہ داری پر زور دیا اور ملزمان کو جوابدہ ٹھہرانے کے لئے متحد کوششوں پر زور دیا۔ انہوں نے کہا کہ وزیر اعظم نریندر مودی سے درخواست کی گئی ہے کہ وہ پرجوال کا سفارتی پاسپورٹ منسوخ کریں اور اس کی ہندوستان حوالگی میں سہولت فراہم کریں۔ انہوں نے کہاکہ میں آپ سے درخواست کرتا ہوں کہ متاثرین کو ہر ممکن مدد فراہم کریں۔ وہ انصاف کے لیے اپنی جنگ لڑتے ہوئے ہماری ہمدردی اور یکجہتی کے مستحق ہیں۔ یہ ہمارا اجتماعی فرض ہے کہ ان گھناؤنے جرائم کے ذمہ دار تمام فریقین کو انصاف کے کٹہرے میں لایا جائے ۔ انہوں نے الزام لگایا کہ مرکزی وزیر داخلہ امت شاہ کو دسمبر 2023 کے اوائل میں پرجول کے ماضی کے بد سلوکی کے بارے میں مطلع کیا گیا تھا، بشمول جنسی تشدد کے واقعات۔ ان الزامات سے واقف ہونے کے باوجود بی جے پی کی مبینہ بے عملی پر مایوسی کا اظہار کرتے ہوئے انہوں نے وزیر اعظم نریندر مودی کی جانب سے پرجوال کی مبینہ حمایت کی مذمت کی۔ سدارامیا نے کہا کہ ریاستی حکومت نے پرجوال کے خلاف سنگین الزامات کی تحقیقات کے لیے ایک خصوصی تحقیقاتی ٹیم (ایس آئی ٹی) تشکیل دی ہے ۔
ایس آئی ٹی تمام ضروری تفصیلات فراہم کرے گی اور تمام قانونی طریقہ کار پر عمل کرے گی۔ واضح رہے کہ پراجول کے خلاف 28 اپریل کو ہولیناراسی پورہ ٹاؤن تھانے میں جنسی ہراسانی، دھمکیاں دینے اور خاتون کی عزت کی پامال کرنے کے الزام میں مقدمہ درج کیا گیا تھا۔ متاثرہ نے پرجوال اور اس کے والد ایچ ڈی ریونا دونوں پر جنسی ہراسانی میں ملوث ہونے کا الزام لگایا ہے ۔
