نئی دہلی: کانگریس کے سابق صدر راہول گاندھی نے کوئلے کا صرف آٹھ دن کا ذخیرہ بچے ہونے کی خبرپر مرکزی حکومت کو گھیرتے ہوئے چہارشنبہ کو کہا کہ اسے نفرت پھیلانے کے بجائے ملک کے لوگوں کو برابر روشنی دینے کاانتظام کرناچاہیے ۔ راہول گاندھی نے کہا کہ مہنگائی کے دور میں لوگوں کو بجلی نہیں ملے گی تو روزگار کا بڑاموقع دستیاب کرانے والی چھوٹی صنعتیں بند ہو جائیں گی اور نوجوانوں کے سامنے روزگار کا بڑابحران پیداہوجائے گا، اس لیے نفرت کے بجائے ملک کے لوگوں کو سہولیات دینے پر توجہ دینی چاہیے ۔ راہول نے ایک ٹویٹ میں کہا کہ آٹھ سال کی بڑی باتوں کا نتیجہ دیکھئے کہ ملک کے پاس کوئلے کے صرف آٹھ دن کے ذخائر رہ گئے ہیں۔ مودی جی، مہنگائی کا دورچل رہا ہے ، بجلی کی کٹوتی سے چھوٹی صنعتیں تباہ ہو جائیں گی۔ ان چھوٹی صنعتوں کے ختم ہونے سے لوگوں کو روزگار کے بڑے بحران کا سامنا کرنا پڑے گا۔
