سیاست ملت فنڈ کے زیر اہتمام
اتوار 21فروری کوایس اے ایمپریل گارڈن ٹولی چوکی میں انعقاد
حیدرآباد۔ مسلم لڑکوں اور لڑکیوں کے رشتہ طئے کرنے کے سلسلہ میں 106 واں دو بہ دو ملاقات پروگرام اتوار 21 فروری کو ایس اے ایمپریل گارڈن ، ٹولی چوکی میں حسب سابق پروگراموں کی طرح منعقد ہوگا۔ اس پروگرام کی صدارت جناب زاہد علی خاں ایڈیٹر روز نامہ ’سیاست‘ کریں گے۔ جیسا کہ اب تک پروگرام میں اس بات کو واضح کیا گیا اور والدین نے پچھلے پروگراموں میں جس طرح شرکت کرتے ہوئے رشتوں کی تلاش کرنے میں تگ و دو کی اور اس میں کامیابی حاصل کی اسی طرح یہ پروگرام اپنی پوری نوعیت کے ساتھ 4 بجے شام تک جاری رہے گا۔ والدین کو چاہیئے کہ اس پروگرام میں ضرور شرکت کریں ۔ مہمان خصوصی کی حیثیت سے جناب محمد معین الدین صدر فیڈریشن آف ٹولی چوکی کالونیز شرکت کریں گے۔ ایسے والدین جو اپنے لڑکوں اور لڑکیوں کے رشتوں کے متلاشی ہیں وہ ضرور اس پروگرام میں شرکت کرتے ہوئے اپنی اُلجھن کو دور کریں تاکہ رشتوں کے طئے ہونے میں آسانی پیدا ہو۔ والدین کو چاہیئے کہ کورونا کی وباء کے پیش نظر اپنے چہروں پر ماسک لگائے رکھیں اور اپنے ہمراہ دو عدد فوٹوز اور بائیو ڈاٹاس کی کاپیز ضرور لائیں تاکہ والدین سے مشاورت کرنے میں آسانی پیدا ہوسکے۔ دو بہ دو پروگرام میں والدین کی رہبری و رہنمائی کیلئے والینٹرس ان کی مدد کیلئے کاؤنٹرس پر تیار رہیں گے اور وہ ان کی مکمل طور پر رہنمائی کریں گے۔ اس دوبہ دو پروگرام میں تعلیم یافتہ سے لے کر کم تعلیم یافتہ لڑکوں اور لڑکیوں کے بائیو ڈاٹاس پچھلے پروگرام کے بھی رکھے جائیں گے اور والدین اپنانیا رجسٹریشن بھی کرواسکتے ہیں جس کیلئے بائیو ڈاٹاس سے مختلف زمرہ جات کے تحت کاؤنٹرس لگائے جائیں گے جو ایس ایس سی ، انٹر میڈیٹ ، بی ایس سی، بی ای ، بی کام، بی اے، بی ایڈ، ایم ایس سی، ایم اے، ایم کام، انجینئرنگ اور معذور لڑکوں اور لڑکیوں کیلئے ہوں گے۔ اس کے علاوہ فوٹوز اور بائیو ڈاٹاس لڑکوں اور لڑکیوں کے کمپیوٹر کی مدد سے بھی بتائے جائیں گے جس کیلئے علحدہ کاؤنٹر رہے گا ۔ جو والدین گھر بیٹھے رشتوں کا انتخاب کرنا چاہتے ہوں تو ان کیلئے آن لائن رجسٹریشن کاؤنٹرس کا نظم کیا گیا ہے۔ اس کے علاوہ اس پروگرام کو ملکی اور غیر ملکی سطح پر ٹیلی کاسٹ کرنے کیلئے ’سیاست‘ کے فیس بک ، اسکیپ ، یو ٹیوب، سیاست ٹی وی کے ذریعہ سہولت مہیا کی جارہی ہے اوردو بہ دو پروگرام میں رجسٹریشن کاؤنٹر بھی رہے گا۔ ایسے والدین جنہوں نے رجسٹریشن نہیں کروایا ہے وہ رجسٹریشن کرواسکتے ہیں۔ مزید تفصیلات جناب خالد محی الدین اسد کوآرڈینیٹرپروگرام سے فون نمبر9391160364 پر ربط پیدا کرسکتے ہیں۔