مکہ معظمہ: غلاف کعبہ جسے کسوہ کہا جاتے ہے 16 ٹکڑوں پرمشتمل ہوتا ہے اور اس کی لمبائی 50 فٹ جبکہ چوڑائی 35 سے 40 فٹ ہوتی ہے۔ مسلمانوں کے نزدیک کسوہ نہایت قابل احترام ہے۔ قبل ازیں غلاف کعبہ کی تبدیلی کی تقریب ہر سال 9 ذی الحج کو ہوتی تھی تاہم پہلی بار 2022 کو یہ بابرکت عمل یکم محرم کو انجام دیا گیا تھا جس کے بعد سے اب ہر سال اسلامی سال کے آغاز پر غلافِ کعبہ تبدیل کیا جارہا ہے۔عرب میڈیا کے مطابق تبدیلی غلاف کعبہ کیلئے تمام تر تیاریاں مکمل کرلی گئی ہیں اور یکم محرم جو ممکنہ طور پر 7 جولائی بروز جمعے کو ہوگی اور اْس روز غلاف کعبہ تبدیل کیا جائے گا۔اس سال غلاف کعبہ کی تیاری میں 120 کلو سونا، 100 کلو چاندی اور 670 کلو ریشم استعمال کیا گیا ہے۔ سونا اور چاندی سے غلاف کعبہ پر قرآنی آیات دلکش انداز میں تحریر کی گئی ہیں۔
