واشنگٹن؍کیف: امریکی صدر ڈونالڈ ٹرمپ نے کہا ہے کہ روسی صدر سے یوکرین امن معاہدے پر مثبت گفتگو ہوئی ہے ۔روس کے روسی صدر ولادیمیر پوتن اور امریکی صدر ڈونالڈ ٹرمپ کے درمیان ٹیلی فون پر بات چیت ہوئی، روس اور امریکی صدور کے درمیان ڈھائی گھنٹے طویل گفتگو ہوئی جس میں یوکرین جنگ سمیت دیگر امور پر بات کی گئی۔مریکی صدر ڈونالڈ ٹرمپ نے روسی صدر سے گفتگو کے بعد امریکی ٹی وی کو انٹرویو میں کہا کہ روسی صدر کے ساتھ یوکرین امن معاہدے پر گفتگو مثبت رہی، مکمل جنگ بندی کیلئے تیزی سے کام کریں گے ۔امریکی ٹی وی کو انٹرویو میں ٹرمپ نے مزید کہا روسی صدر سے یوکرینی امداد پر بات نہیں ہوئی، امریکی مندوب اسٹیو وٹکوف کا کہنا ہے روسی وفد سے اتوار کو جدہ میں بات ہوگی۔دوسری جانب امریکہ اور روس کے درمیان یوکرین میں جنگ بندی سے متعلق بات چیت کے بعد یوکرینی صدر ولادیمیر زیلنسکی نے کہا کہ جنگ بندی کی امریکی تجویز کی حمایت کرتے ہیں مگر اس حوالے سے امریکہ سے مزید تفصیلات درکار ہیں۔ٹرمپ سے گفتگو کا مقصد یہ جاننا ہوگا کہ روس نے امریکہ کو کیا پیشکش کی ہے ، یہ جاننا بھی چاہتے ہیں کہ امریکہ نے روس کو کیا پیشکش کی۔اُن کا مزید کہنا تھا کہ پوتن کی شرائط ظاہر کرتی ہیں کہ روس جنگ بندی کیلئے تیار نہیں، روسی صدر کا مقصد یوکرین کو کمزور کرنا ہے۔ دوسری جانب پوتن نے واضح کیا ہے کہ ہتھیار ڈالنے کی صورت میں یوکرینی فوجیوں کی زندگی کی ضمانت دیتے ہیں۔ولادیمیر زیلنسکی کا کہنا تھا کہ محصور یوکرینی فوجیوں کی جانب سے بچانے کی اپیل پر انسانی ہمدردی کی بنیاد پر رہنمائی کوتیار ہیں، ہتھیار ڈالنے کی صورت میں یوکرینی فوجیوں کی زندگی محفوظ رہے گی۔