ٹوکیو ۔ جاپان نے ایک روسی طیارہ کے مبینہ طور پر بغیر اجازت اپنی فضائی حدود میں داخل ہونے پر سفارتی چینلز کے ذریعہ روس سے احتجاج درج کرایا ہے ۔ چیف کابینہ سکریٹری کاتسنوبو کاتو نے پیر کو یہ اطلاع دی۔ کاتو نے آج یہاں میڈیا کو بتایا ، “مقامی وقت کے مطابق صبح 9:37 اور اتوار کی صبح 9:58 بجے ، ایک روسی طیارے نے ہوکائیڈو جزیرے پر کیپ شیرتوکو کے قریب ہماری فضائی حدود کی خلاف ورزی کی۔ اس سلسلے میں وزارت دفاع کے فضائی سیلف ڈیفنس فورس کے دستوں نے فضائی سرحد سے دھکیل دیا اور وزارت خارجہ نے سفارتی ذرائع کے ذریعے روسی حکومت سے سخت احتجاج درج کرایا۔ عہدیدار نے بتایا کہ وزارت خارجہ نے یہ بھی مطالبہ کیا ہے کہ مستقبل میں ایسے واقعات کے اعادہ کو روکنے کیلئے اقدامات کیے جائیں۔ جاپانی وزارت دفاع نے کل کہا تھا کہ ایک روسی AN-26 طیارہ 30 منٹ کے اندر دو بار جزیرہ ہوکائیڈو کے جزیرے شیرٹوکو میں غیر قانونی طور پر ہماری فضائی حدود میں داخل ہوا۔
