واشنگٹن: امریکی ڈائریکٹر برائے نیشنل انٹیلی جنس جان رٹ کلف نے چہارشنبہ کے روز کہا ہے کہ روس اور ایران نے امریکہ میں رائے دہندگان کے اندراجات سے متعلق معلومات حاصل کی ہیں جس کا مقصد 3نومبر کو ہونے والے امریکی صدارتی انتخابات میں مداخلت کی راہ ہموار کرنا ہے۔رائٹ کلف نے کہا کہ ایران کا مقصد خاص طور پر ووٹرز کو خوف زدہ کرنا ، معاشرتی بدامنی کو بھڑکانا اور صدر ڈونالڈ ٹرمپ کو نقصان پہنچانا ہے۔ انہوںنے مزید کہا کہ انٹیلی جنس اداروںکو پتہ چلا ہیکہ روس نے بھی امریکی ووٹروں کے کچھ اعداد و شمار حاصل کیے ہیں۔ روس اور ایران دونوں امریکی صدارتی انتخابات پر اثر انداز ہو سکتے ہیں۔