ماسکو۔11 ڈسمبر (سیاست ڈاٹ کام) روسی حکومت نے بین الاقوامی پابندیوں کی وجہ سے اپنے کھلاڑیوں کے مفادات پر تشویش کا ا ظہار کیا ہے لیکن ساتھ ہی کھلاڑیوں کے مفادات کی حفاظت کے لئے مناسب اقدامات اٹھانے کا بھی یقین دلایا ہے ۔کریملن ترجمان دمتر ی پیسکوف نے کہاکہ اہم بات یہی ہے کہ ہمارے کھلاڑیوں کے کسی بھی طرح سے مفاد ات متاثر نہ ہوں۔ ہم اس کے لیے مل کر قدم اٹھائیں گے اور یہ ہماری ذمہ داری ہے ۔انہوں نے کہا کہ روس کے پاس ایک ملک کے طور پر اپنے مفادات کی حفاظت کرنے کے بہت سے طریقے ہیں اورآنے والے وقت میں اس کا استعمال کیا جائے گا۔ واضح رہے کہ اس سے پہلے ملک کے صدر ولادیمیر پوتن نے بھی کہا کہ کسی جرم کی سزا اجتماعی طور پر نہیں دی جانی چاہئے ، یہ انفرادی ہونی چاہیے ۔
