برسلز : ناٹوکے چیف سٹولن برگ نے خبردار کیا ہے کہ یوکرین پر حملہ ناٹواور روس کے درمیان ایٹمی جنگ کی صورت اختیار کرسکتا ہے۔ناٹو کے سیکرٹری جنرل جینز اسٹولن برگ نے بیان میں کہا ہے کہ روس ایٹمی ہتھیاروں کی دھمکیاں دینے سے باز رہے۔ یوکرین پر کیمیائی ہتھیاروں سے حملہ کیا گیا تو جنگ کی نوعیت بدل جائے گی۔انہوں نے کہا ہے کہ ناٹو یوکرین کی حمایت کرتاہے لیکن جنگ کا حصہ نہیں۔اس جنگ کو یوکرین تک محدود رکھنا انتہائی ضروری ہے۔ا نہوں نے کہا کہ اگرچہ ناٹو یوکرین جنگ کا حصہ نہیں ہے تاہم کسی بھی وقت اتحادیوں کی حفاظت اور دفاع کے لیے ناٹو تیار ہے۔انہوں نے کہا کہ ایٹمی جنگ میں جیت کسی کی بھی نہیں ہوتی۔ روس بھی کبھی بھی ایٹمی جنگ نہیں جیت سکتا۔ ناٹو تنازعہ کا حصہ نہیں ہے تاہم وہ یوکرین کو مدد فراہم کرتا رہے گا۔ناٹو چیف نے روس کی حمایت کرنے پر چین اور بیلاروس پر بھی تنقید کی انہوں نے کہا ہے کہ امید کرتاہوں کہ ناٹو ممالک چین کو اس کی ذمہ داریاں یاد دلائیں گے۔
