ماسکو : روسی صدارتی محل کریملن کے ترجمان دمتری پیسکوف نے کہا کہ روس نے پہلے سیاسی اور سفارتی ذرائع سے یوکرین کے حوالے سے اپنے اہداف حاصل کرنے کو ترجیح دی اور یہ کہ اگر مغرب اور کیف ان طریقوں کو مسترد کرتے ہیں تو خصوصی فوجی آپریشن جاری رہے گا۔دمتری پیسکوف نے صحافیوں کے اس سوال کا جواب دیا کہ کیا کیف نے یوکرین کے لیے مغربی امداد میں کمی کو مدنظر رکھتے ہوئے ماسکو مذاکرات کی پیشکش کی تھی۔پیسکوف نیاس بات کی طرف اشارہ کرتے ہوئے کہاکہ امداد اور مذاکرات کا ایک دوسرے سے کوئی تعلق نہیں ہے،میں ایک بار پھر دہراتا ہوں، ہمارے لیے بنیادی چیز اپنے مقاصد کو حاصل کرنا ہے یقیناً سیاسی اور سفارتی ذرائع سے ان مقاصد کو حاصل کرنا افضل ہے، جب مغرب اور یوکرینی ان طریقوں کو مسترد کرتے ہیں تو پھر خصوصی فوجی آپریشن جاری رہے گا۔. ترجمان نے کہا کہ امریکی انتظامیہ نے یوکرین کی امداد کے لیے کانگریس سے اضافی بجٹ کی درخواست کی اور جہاں اس امداد کی منظوری غیر یقینی رہی وہیں اس امداد پر کچھ اعتراضات کی آوازیں بھی اٹھیں۔
