کیف، 28 اگست (یو این آئی) روسی افواج نے یوکرینی دارالحکومت کیف پر راتوں رات بڑے پیمانے پر ڈرون اور میزائل حملہ کردیا۔ روسی حملے میں اموات کی تعداد 10 ہوگئی جبکہ درجنوں افراد زخمی ہیں۔ میڈیا رپورٹس کے مطابق یوکرینی صدر زیلنسکی کا کہنا ہے کہ دارالحکومت کیف پر گزشتہ رات ہونے والے روسی حملے میں 2 بچوں سمیت 10 افراد ہلاک، 38 زخمی اور 7 اضلاع میں رہائشی اور دیگر عمارتوں کو نقصان پہنچا ہے ۔ ان کا کہنا ہے کہ کیف پر گزشتہ ر ات ہونے والے حملے سے ظاہر ہے روس کو حقیقی سفارتکاری میں کوئی دلچسپی نہیں ہے ۔ صدر زیلنسکی کا کہنا تھا کہ روس مذاکرات کی میز کے بجائے بیلسٹک میزائلوں کو چُنتا ہے اور قتل وغارت گری جاری رکھے ہوئے ہے ۔
