کیف : یوکرین کے وزیر خارجہ دمیترو کولیبا نے کہا کہ صدر رجب طیب اردغان واحد رہنما ہیں جو روسی صدر ولادیمیر پوتن کو بحیرہ اسود کے اناج راہداری کے معاہدے کی طرف واپس لاسکتے ہیں۔کولیبا نے بحیرہ اسود کے اناج راہداری کے معاہدہ کے حوالے سے یوکرین کی سرکاری ایجنسی یوکرینفارم کو ایک بیان دیتے ہوئے کہا ہے کہ روس نے معاہدے کو روک دیا، کولیبا نے کہا کہ یوکرین اس معاہدے میں پوتن کی واپسی کے بارے میں ترکیہ کے ساتھ بات چیت کر رہا ہے۔کولیبا نے کہا کہ یوکرین پوتن کی بحیرہ اسود کے اناج راہداری کے معاہدے کی واپسی کے لیے صدر اردغان کے ساتھ ہم آہنگی میں ہے۔صدر اردغان اس معاملے پر یوکرائنی صدر ولادیمیرزیلینسکی کیدرمیان ہم آہنگی پائی جاتی ہے جوباہمی طور پر فائدہ مند ہے۔انہوں نے کہا کہ صدر اردغان واحد رہنما ہیں جو پوتن کو اس معاہدہ پر واپس لا سکتے ہیں۔یاد رہے خوراک کی عالمی قیمتوں پر 24 فروری 2022 کو شروع ہونے والی روس یوکرین جنگ کے اثرات کو کم کرنے کے لیے اقوام متحدہ (یو این)، روس، ترکیہ اور یوکرین نے 22 جولائی 2022 کو استنبول میں بحیرہ اسود کے اناج راہداری کے معاہدے پر ایک تقریب میں دستخط کیے تھے۔روسی صدارتی محل کریملن کے ترجمان دمتری پیسکوف نے 17 جولائی کو ایک بیان میں اس معاہدے کی معیاد ختم ہونے کا اعلان کیا تھا۔انہوں نے اپنے بیان میں کہا تھا کہ اناج راہداری کا معاہدہ درحقیقت اپنے اختتام کو پہنچ چکا ہے۔ انہوں نے کہا کہ اگر ان کی شرائط پر عمل درآمد کیا جاتا ہے تو روس فوری طور پر اناج کے معاہدہ پر واپس آجائے گا۔ انہوں نے کہا کہ روس کے حوالے سے اس معاہدہ پر روس کی توقعات پوری نہیں کی گئی ہیں۔
