ٹوکیو ۔ جاپان کے وزیر دفاع نوبو کیشی نے منگل کو بتایا کہ جاپان کو بحیرہ اوخوٹسک اور بحیرہ جاپان میں روس کی فوجی مشقوں پر گہری تشویش ہے ۔ جسے وہ یوکرین کے ارد گرد کشیدگی کے دوران روسی فوجی صلاحیتوں کی نمائش کے طور پر دیکھتا ہے ۔ وزیر دفاع نے ایک بیان میں بتایا کہ یوکرین کے ساتھ سرحد پر روسی فوج کی حالیہ سرگرمیوں کی وجہ سے ہمیں یقین ہے کہ روس فوجی صلاحیتوں کا مظاہرہ کر رہا ہے اور مغرب اور مشرق دونوں میں اپنی سرگرمیوں میں اضافہ کررہا ہے ۔ جاپان نے کہا کہ اس نے یکم فروری سے جاپان اور بحیرہ اوخوٹسک میں روسی بحر الکاہل کے بحری بیڑے کے 24 جہازوں کی نقل و حرکت کا مشاہدہ کیا ہے ۔ انہوں نے بتایا کہ حکومت کو اس پر تشویش ہے اور وہ ان کی مشق کی نگرانی کررہی ہے ۔ جاپانی وزیر دفاع نے بتایا کہ روسی مسلح افواج کے 2022 کے تربیتی منصوبے کے تحت جنوری اور فروری میں بحری مشقوں کا ایک سلسلہ منعقد کیا جا رہا ہے ۔ مشقوں کا مقصد روس کی بحری اور ایرو اسپیس فورسز کی کارروائیوں کو ہم آہنگ کرنا ہے تاکہ سمندروں میں ملک کے قومی مفادات کے دفاع اور سمندر میں فوجی خطرات کا مقابلہ کیا جا سکے ۔
