واشنگٹن: امریکی محکمہ ٹرانسپورٹیشن اور فیڈرل ایوی ایشن ایڈمنسٹریشن نے ایک مشترکہ بیان میں کہا ہے کہ امریکی فضائی حدود میں روسی طیاروں کی پابندی اختتام چہارشنبہ سے نافذ ہو جائے گی۔ منگل کے روز جاری بیان میں کہا گیا ہے۔ امریکی محکمہ ٹرانسپورٹیشن اور فیڈرل ایوی ایشن ایڈمنسٹریشن روسی پروازوں اور ایئر لائنز کو امریکی فضائی حدود میں داخل ہونے اور استعمال کرنے کی اجازت نہیں دیں گے ۔ یہ نوٹس روس سے وابستہ کسی بھی شخص کی طرف سے تصدیق شدہ، آپریٹر، رجسٹرڈ یا تصدیق شدہ سبھی پروازوں پر نافذ ہوگا۔ اس میں چارٹر پروازیں بھی شامل ہیں۔ امریکی میڈیا کے مطابق یہ نیا ضابطہ چہارشنبہ کے آخر سے نافذ العمل ہوگا۔امریکی ایرو اسپیس کمپنی بوئنگ نے بھی کہا کہ وہ روسی ایئر لائنز کے لیے اپنے پرزے ، دیکھ بھال اور تکنیکی معاونت کی خدمات معطل کر رہی ہے۔کمپنی نے ایک بیان میں کہا‘‘ہم نے ماسکو میں اپنے بڑے آپریشنز کو معطل اور کیف میں اپنے دفاتر کو عارضی طور پر بند کر دیا ہے ۔ ہم روسی طیاروں کے پرزے ، دیکھ بھال اور تکنیکی معاونت کی خدمات بھی معطل کر رہے ہیں۔
جب تک جنگ جاری رہے گی، ہماری توجہ خطہ میں اپنے ساتھیوں کی حفاظت کو یقینی بنانے پر مرکوز ہے ۔
