ماسکو : روس کے صدر ولادیمیر پوتن نے امریکہ اور برطانیہ سمیت تمام غیر دوست ممالک کے ساتھ طے شدہ ڈیوٹی سمجھوتوں کی جزوی منسوخی کے قانون کی منظوری دے دی ہے۔صدارتی منظوری کے بعد قانون کو روس کے آئینی انفارمیشن سسٹم سے شائع کر دیا گیا ہے۔ قانون کی رْو سے “غیر دوست” ممالک کے ساتھ آمدنی و اثاثوں پر دوہرے ٹیکس کے سمجھوتوں کی بعض شقوں کو منسوخ کر دیا گیا ہے۔واضح رہے کہ صدر پوتن نے قبل ازیں “غیر دوست “قرار دئیے گئے مغربی ممالک کے ساتھ طے شدہ ڈیوٹی سمجھوتوں کی بعض شقّوں کی منسوخی کے فیصلے پر دستخط کئے تھے۔روس حکومت نے “غیر دوست ممالک” کی فہرست 7 مارچ کو منظور کی تھی۔فہرست میں امریکہ، یورپی یونین ممالک، برطانیہ، جنوبی کوریا، جاپان، یوکرین، سوٹزرلینڈاور سنگاپور جیسے ممالک کے ساتھ ساتھ روس پر پابندیاں لگانے والے مزید 15 ملک شامل ہیں۔
