مدینہ منورہ : مسجد نبویؐ میں روضئہ مبارک کے اطراف سونے اور تانبے کے نئے حصار کا افتتاح کردیا گیا۔ عرب میڈیا کے مطابق صدارت عامہ برائے امور مسجد الحرام و مسجد نبویؐ کے صدر شیخ ڈاکٹر عبدالرحمٰن السدیس نے مسجد نبوی صلی اللّٰہ علیہ وسلم میں روضئہ مبارک کے اطراف تانبے اور سونے سے بنے نئے حصار کا افتتاح کیا۔ یہ نیا حصار خالص تانبے سے بنا ہے جو 87 میٹر لمبا اور 1 میٹر اونچا ہے۔ عرب میڈیا کے مطابق یہ نیا حصار الگ الگ یونٹس اور ٹھوس تانبے کے حصوں پر مشتمل ہے۔ گزشتہ ہفتہ سعودی ولی عہد شہزادہ محمد بن سلمان نے مسجدِ نبوی میں روضئہ رسولؐ پرحاضری دی تھی اور نوافل ادا کیے تھے۔ اس موقع پر انہوں نے کہا تھا کہ اس ملک میں ہر ایک کی کوششوں سے زائرین کی تعداد سال بہ سال دگنی ہوتی ہے اور اس کا تحفہ ملک کے تمام لوگوں کو ملے گا۔
مسجد نبویؐ میں روزانہ 400 ٹن آب زمزم کی تقسیم
ریاض: حرمین شریفین کی انتظامیہ کی مسجد نبوی ؐ کے امور کی ایجنسی نے واضح کیا ہے کہ مسجد میں لگ بھگ 400 ٹین آب زم زم فراہم کیا جاتا ہے۔ اس مقدس پانی کی فراہمی کے انتظامات میں 520 ملازمین مصروف ہیں ۔