لندن ۔15 اکٹوبر (سیاست ڈاٹ کام ) پرتگالی فٹ بالرکرسٹیانو رونالڈو نے ایک اور اعزاز حاصل کرتے ہوئے لیونل میسی سے پہلے700 گول بنالئے ہیں۔ پرتگالی سوپر اسٹار رونالڈو یہ اعزاز حاصل کرنے والے دنیا کے چھٹے فٹبالر بن گئے۔یورو کپ کوالیفائرز میں پرتگال کو یوکرائن نے 2-1 گولس سے شکست دے دی لیکن اس کے باوجود کرسٹیانو رونالڈو کے لئے یہ میچ یاد گار بن گیا۔ یوکراین میں کھیلے گئے میچ میں میزبان ٹیم نے پہلے ہاف میں ہی دو گول کردیئے۔پرتگال کے لئے مقابلے میں واپسی کرنا مشکل ہوگیالیکن 72 ویں منٹ میں کرسٹیانو رونالڈو نے گول کردیا۔ میچ تو یوکراین نے 2-1 سے جیت لیا لیکن ونالڈو نے کیریئر کا 700 واں گول کرکے اس میچ کو یادگار بنادیا۔ اس طرح 34 سالہ رونالڈو نے کیریئر کے 973 میچزکھیل کر 700 گول کیے۔ آسٹرین فٹبالرجیف بسکان 805 کیریئر گول بناکر سب سے آگے ہیں جبکہ برازیل کے روماریواور پیلے ،ہنگری کے فرینک پکاس ، اور جرمنی کے گرڈ مولر بھی 700 یا زائد گول کرنے والوں کی فہرست میں شامل ہیں۔
