ریاض، 24 ستمبر (ایجنسیز) عالمی شہرت یافتہ پرتگالی فٹبالرکرسٹیانو رونالڈو نے سعودی لباس میں تلوار تھامے سعودی عوام کو قومی دن کی مبارک باد دی۔ انہوں نے سعودیہ کو ایک اعظم ملک قرار دیتے ہوئے یہاں کے سیاحتی مقامات کا دورہ کرنے کی ترغیب بھی کی۔ سعودی عرب کی فٹ بال ٹیم النصر نے فوٹوز اینڈ ویڈیوز شیئرنگ پلیٹ فارم انسٹاگرام پر سعودیہ کے95 ویں قومی دن کے موقع پر ایک مختصر ویڈیوکلپ اور تصاویر شیئر کی۔ سوشل میڈیا پر جاری ویڈیو کلپ میں سی رونالڈو 7 روایتی سفید سعودی لباس میں ملبوس دکھائی دیئے۔ انہوں نے سعودی عرب کے قومی دن پر خراج تحسین پیش کیا اور سعودیہ میں رہنے کا اپنا تجربہ بیان کیا۔رونالڈو نے سعودی عرب کے قومی دن کی مناسبت سے خصوصی پیغام جاری کرتے ہوئے کہا کہ تمام سعودی عوام کو سعودی قومی دن مبارک ہو، آپ اس دن کا جشن فخر، اتحاد اور اپنے پیاروں کے ساتھ منائیں۔
