ٹورین۔22 اکتوبر (سیاست ڈاٹ کام)کرسٹیانو رونالڈو نے دنیا بھر میں جوونٹس کے حامیوں اور ان کے مداحوں کو یقین دلایا کہ34 سال کی عمر میں وہ اب بھی سبکدوشی کے لئے تیار نہیں ہے۔لوکوموٹو ماسکو کے خلاف جوونٹس چمپئنز لیگ میچ سے قبل رونالڈو نے ایک نیوز کانفرنس میں کہا ، عمر صرف ایک عدد ہے۔ اس کا مطلب یہ نہیں ہے کہ آپ کیریئر 34 ، 35 ، 36 پر ختم ہوجائے۔ میں یہ دکھا سکتا ہوں کہ میں اپنی کارکردگی کے بعد کس طرح کھیلتا ہوں ، جس طرح سے کھیل رہا ہوں اس سے مجھے اب بھی بہتر، تیز اور زیادہ پختہ کھیل محسوس ہوتا ہے۔جوینٹس میں چار سالہ معاہدے کے دوسرے سیزن کے دورران رونالڈو نے اپنے مداحوں میں تشویش پیدا کردی تھی جب انہوں نے چند ہفتوں قبل شائع ہونے والے ایک انٹرویو میں کہا تھا کہ وہ فٹ بال سے باہر خودکو دیکھ کر لطف اٹھانا شروع کر رہے ہیں ، لہذا کون جانتا ہے کہ کیا ہوگا اگلے ایک یا دو سال میں؟۔ رونالڈو نے حال ہی میں پرتگال کے ساتھ بین الاقوامی خدمات کے دوران پیشہ ورانہ طور پر اپنا 700 واں گول اسکور کیا تھا اور اسے ریکارڈ چھٹے بالن ڈی آر ایوارڈ کے لئے نامزد کیا گیا ہے لیکن رونالڈو نے کہا کہ وہ جوونٹس کے ساتھ مزید خطابات جیتنے میں زیادہ دلچسپی رکھتے ہیں۔ انہوں نے کہا ہم سیریز اے جیتنا چاہتے ہیں ، ہم کپ ، چمپئنز لیگ جیتنا چاہتے ہیں۔جووینٹس کو بڑا سوچنا چاہئے۔ ہم تمام ٹرافی جیتنے کی کوشش کر رہے ہیں ، ہم جانتے ہیں کہ یہ مشکل ہوگا ، خاص طور پر لیگ اور چمپئنز لیگ لیکن مجھے لگتا ہے کہ یہ ممکن ہے۔ سب کچھ ممکن ہے۔ انہوں نے مزید کہا سب سے اہم اجتماعی ایوارڈز ہیں۔ اگر آپ اجتماعی ایوارڈ جیتتے ہیں تو آپ کو انفرادی ایوارڈز جیتنے کا زیادہ موقع ملتا ہے۔ گولڈن بال میرے لئے دوسرے نمبر پر ہے۔
