زیورخ ۔22 مارچ (سیاست ڈاٹ کام ) یونین آف یورپین فٹ بال اسوسی ایشن (یوئیفا) نے چمپیئنز لیگ کے ایک اہم میچ میں اٹلی کے کلب یوونٹس کے اسٹار کھلاڑی کرسٹیانو رونالڈو کی جانب سے ہسپانوی کلب ایٹلیٹکو میڈرڈ کے خلاف ہیٹ ٹرک کے بعد جشن مناتے ہوئے قواعد و ضوابط کی خلاف ورزی کرنے پر 20 ہزار یورو جرمانہ عائد کردیا۔ رپورٹ کے مطابق رونالڈو کسی بھی قسم کی پابندی سے بال بال بچ گئے جس کے بعد وہ 10 اپریل کو کوارٹر فائنل میں اجاکس ایمسٹرڈیم کا سامنا کریں گے۔رونالڈو کو گزشتہ ہفتے یوونٹس کیلئے 3گول کرنے کے بعد ایٹلیٹکو میڈرڈ کے کوچ ڈیاگو سمیون کی نقل اتارنے پر قواعد کی خلاف ورزی کے الزام کا سامنا کرنا پڑا تھا۔
