لندن ۔9 ستمبر (سیاست ڈاٹ کام )ایشیز سیریز کا چوتھا ٹسٹ گنوانے کے بعد انگلینڈ کے لیجنڈری سابق ٹسٹ کپتان جیفری بائیکاٹ نے کہا ہے کہ کپتان پر تنقید کرتے ہوئے کہا کہ جو روٹ فطری کپتان نہیں ہیں۔ اولڈ ٹریفورڈ میں کھیلے گئے ایشیز سیریز کے چوتھے ٹسٹ میں میزبان انگلینڈ کو آسٹریلیا کے خلاف شکست کا سامنا کرنا پڑا اور آسٹریلیا نے 5 میچوں کی سیریز میں 2-1 کی برتری حاصل کرتے ہوئے ایشیز برقرار رکھنے کا اعزاز حاصل کیا۔ سیریز میں انگلینڈ کرکٹ ٹیم کے کپتان جو روٹ کی بیٹنگ اورکپتانی کی وجہ سے ان پر تنقید بڑھتی جا رہی ہے – سابق ٹسٹ کرکٹر جیفری بائیکاٹ نے کہا ہے کہ جو روٹ فطری کپتان نہیں ہیں ، انہوں نے کپتانی میں بہت مایوس کیا ہے۔ جیفری بائیکاٹ نے کہا کہ جو روٹ کو کپتانی کے حوالے سے سنجیدگی سے سوچنا ہو گا کہ کہیں کپتانی کی وجہ سے ان کی بیٹنگ تو متاثر نہیں ہو رہی ہے۔ جو روٹ کو ہرکوئی پسند کرتا ہے،کوئی آسانی سے تنقید نہیں کرتا اسے کوئی بھی تکلیف نہیں پہنچانا چاہتا لیکن مجھ دکھ کے ساتھ کہنا پڑتا ہے کہ کپتانی کی صلاحیتیوں میں یہ بہت پیچھے ہے۔
