سرکاری دواخانوں میں ٹسٹ کروانے کا مشورہ ، کمشنر پولیس راچہ کنڈہ مہیش بھگوت
حیدرآباد۔ روپیو ں کے لالچ میں کورونا کی فرضی رپورٹ دینے والے ایک لیاب ٹیکنیشن کو پولیس نے گرفتار کرلیا۔ جواہر نگر پولیس کی اس کارروائی کے بعد کمشنر پولیس راچہ کنڈہ مہیش بھگوت نے عوام سے اپیل کی کہ وہ ٹسٹ صرف سرکاری مراکز یا پھر سرکاری مسلمہ مراکز پر ہی کروائیں۔ بتایا جاتاہے کہ شکایت کے بعد جواہر نگر پولیس نے 26 سالہ ایس کرن کمار ساکن ایچ ایم ٹی نگر ناچارم کو گرفتار کرلیا۔ اس کے خلاف ریڈی سنیل کمار نے شکایت درج کروائی تھی۔ کورونا کی علامتیں ظاہر ہونے کے بعد ریڈی سنیل کمار نے اپنا اور بیوی بچوں کا ٹسٹ کروایا تھا۔ سنیل کمار اور لیاب ٹیکنیشن کرن کمار کی چھ سال سے دوستی تھی 29 اپریل کو پہلی مرتبہ اس نے ٹسٹ کروایا جس میں پہلے ریڈی کی مثبت رپورٹ آئی اور تمام منفی رپورٹ تھے۔ اس کے چند روز بعد دوبارہ اس نے یکم اپریل کو اپنا اور بیوی کا ٹسٹ کروایا جس میں پھر دوبارہ مثبت رپورٹ حاصل ہوئی جس کے بعد ٹسٹ کروانے والے شکایت گذار نے خود کو کورنٹائن کرلیا اور اس کے بعد 23 مئی کو ٹسٹ کروایا جس میں پھر سے مثبت رپورٹ آئی اس کے دو دن بعد عدم اطمینان کے سبب ریڈی سنیل کمار نے 25مئی کو ٹسٹ کروایا جس میں منفی رپورٹ حاصل ہوئی۔ شکایت گذار کو رپورٹ کی آمد پر شبہ ہوا اور اس نے اصل لیاب سے رابطہ کیا جس میں ظاہر ہوا کہ 23 مئی کی رپورٹ لیاب میں ٹسٹ نہیں کروائی گئی تھی بلکہ کرن کمار نے فرضی رپورٹ دی تھی اور ہر مرتبہ ٹسٹ کے نام پر شکایت گذار سے رقم وصول کرتا تھا۔ پولیس نے اسے گرفتار کرلیا۔
