ممبئی، 12 مارچ (سیاست ڈاٹ کام) کورونا وائرس -کووڈ -19’ کے سبب کمزور ہوتی سرمایہ کاری کے درمیان گھریلو حصص بازاروں کے ساتھ روپے میں بھی زبردست کمی دیکھی گئی اور یہ پہلی بار 74.50 روپے فی ڈالر کی سطح تک ٹوٹ گیا۔انٹر بینکنگ کرنسی مارکیٹ میں کل 49 پیسے کے اضافہ کے ساتھ 73.68 روپے فی ڈالر پر بند ہونے والا روپیہ آج 57 پیسے کی کمی کے ساتھ 74.25 روپے فی ڈالر پر کھلے اور دوپہر سے پہلے ہی ایک فیصد سے زیادہ لڑھکتا ہوا 74.50 روپے فی ڈالر تک نیچے آگیا۔تاہم آخری خبریں ملنے تک یہ کچھ بہترہوکر 74.15 روپے فی ڈالر پر تھا۔حصص بازار میں سینسیکس اور نفٹی کے ابتدائی کاروبار میں تقریبا سات فیصد تک گراوٹ سے ہندوستانی کرنسی پر زبردست دباؤ رہا۔