ناگپور۔11 نومبر (سیاست ڈاٹ کام ) ہندوستانی اوپنر روہت شرما منفرد کلب میں شاہد آفریدی کے قریب پہنچ گئے۔ روہت شرما کو تمام فارمیٹس میں اپنے انٹرنیشنل چھکوں کی تعداد 400 تک پہنچانے کیلیے مزید 2 چھکے درکار ہیں، اب تک صرف شاہد آفریدی اور کرس گیل ہی انٹرنیشنل کرکٹ میں 400 چھکے جڑ چکے ہیں۔ اسی طرح یوزویندرا چہل بھی ٹی 20 انٹرنیشنل کرکٹ میں وکٹوں کی نصف سنچری مکمل کرنے والے تیسرے ہندوستانی بولر کے اعزاز سے صرف ایک شکار دور ہیں۔
