نئی دہلی۔11 مئی (سیاست ڈاٹ کام) ہندوستان کے محدود اوورز کے کپتان روہت شرما کو امید ہے کہ ہندوستانی ٹیم کا اس سال کے آخر میں مقرر آسٹریلیا دورہ ہو گا۔روہت نے آسٹریلیا کے ڈیوڈ وارنر سے انسٹاگرام لائیو چیٹ میں کہا کہ اگر حالات سازگار ہوئے تو چار ٹسٹ، تین ونڈے اور تین ٹی 20 میچوں والے آسٹریلیا دورے سے کرکٹ کو دوبارہ شروع کرنا شاندار رہے گا۔روہت نے کہاکہ اصل میں ہم نے اس سال ہونے والے دورے کیکئے کافی شوقین تھے۔مجھے امید ہے کہ آسٹریلیا اور ہندوستانی بورڈ سیریز کو منعقد کرانے کا ہر ممکن کوشش کریں گے۔روہت نے گزشتہ سال میں ہندستان کے گزشتہ آسٹریلیا دورے کو بھی یاد کیا۔ اس دورے پر ہندستانی ٹیم نے آسٹریلیا کی سرزمین پر پہلی بار ٹسٹ سیریز جیت کر تاریخ رقم کی تھی۔ ہندستان نے وہ سیریز 2-1 سے جیتی تھی لیکن دوسری جانب آسٹریلیائی ٹیم کو بال ٹمپرینگ کی وجہ سے اسے اپنے صف اول کے بیٹسمینس ڈیویڈ وارنر اور اسٹیو اسمتھ کی خدمات دستیاب نہیں تھی لہذا اس مرتبہ سیریز کے کافی مسابقتی ہونے کے امکانات روشن ہیں۔
