پورٹ آف اسپین ۔ دو میچوں کی سیریز 1-0 سے جیتنے کے بعد ہندوستانی کپتان روہت شرما نے کہا کہ ویسٹ انڈیز میں کھیلنا اس کا اپنا چیلنج ہے اور وہ اس سے خوش ہیں جس طرح ان کی ٹیم کے لیے حالات بہتر ہوئے۔ دوسرے ٹسٹ کے پانچویں دن کا کھیل جب ختم ہوا تو میچ ڈرا ہوا، مہمانوں نے ویسٹ انڈیز کے خلاف سیریز میں 1-0 سے فتح حاصل کی۔ کامیابی کے بعد اظہار خیال کرتے ہوئے روہت نے کہا ہیکہ ہر جیت مختلف ہوتی ہے۔ ویسٹ انڈیز میں کھیلنا اپنا ایک چیلنج ہوتا ہے۔ حالات جس طرح سے گزرے اس سے خوش۔ بدقسمتی سے آج کوئی کھیل نہیں ہو سکا۔ ہم اصل میں کل ایک مثبت ارادے کے ساتھ باہرگئے تھے۔ بارش نے حالات تبدیل کردئے۔ ہم کافی پراعتماد تھے۔ آپ جانتے ہیں کہ آخری بیٹنگ کتنی مشکل ہے۔ ہم ہمیشہ اس طرح کا اسکور چاہتے تھے جہاں ہم مخالف ٹیم کے لیے بہت زیادہ کھیلنا چاہتے تھے۔ روہت نے محمد سراج کی بھی تعریف کی، جنہیں میچ کا بہترین کھلاڑی قرار دیاگیا، ان کے شاندار 5/60 کے لیے انہیں مین آف دی میچ دیا گیا ۔سراج کو میں قریب سے دیکھ رہا ہوں۔ اس نے اتنا بڑا قدم اٹھایا ہے۔ اس نے اس بولنگ شعبہ کی قیادت کی ہے۔ ہندوستان کی بیٹنگ کے بارے میں بات کرتے ہوئے کپتان نے ایشان کشن کی تعریف کی جنہوں نے ویرات کوہلی کے ساتھ ساتھ اپنی پہلی ٹسٹ نصف سنچری اسکور کی۔آپ کو ایشان (کشن) جیسے لڑکوں کی ضرورت ہے۔ ہمیں تیز رنز چاہیے تھے، ہم نے اسے اوپر روانہ کیا، وہ خوفزدہ نہیں تھا۔ ٹسٹ میچوں میں آپ کو ایسے کھلاڑیوں کی ضرورت ہے جو اننگز کو مستحکم کریں جیسا کہ ویرات (کوہلی) نے کیا، اس نے شاندارکھیلا۔ آپ کو ہر چیزکا مرکب درکار ہے۔ ہمارے پاس گہرائی ہے، ہم نے درست جگہ پرکام کیا ہے۔
