ممبئی۔12 ڈسمبر (سیاست ڈاٹ کام ) روہت شرما نے ایک بارپھر ثابت کردیا ہے کہ آخرانہیں دنیا ہٹ مین کے نام سے کیوں پکارتی ہے۔ روہت شرما نے ویسٹ انڈیزکے خلاف تیسرے ٹی 20 میں ایک اور عالمی ریکارڈ اپنے نام کرلیا۔ روہت شرما نے ویسٹ انڈیزکے اسپنرکھیری پیئرکی گیند پرچھکا لگاتے ہی اپنے نام 400 بین الاقوامی چھکے پورے کرلئے۔ روہت شرما بین الاقوامی کرکٹ میں 400 چھکا لگانے والے پہلے ہندوستانی اوردنیا کے تیسرے کھلاڑی ہیں۔ روہت شرما سے پہلے کرس گیل اورشاہد آفریدی اس کارنامے کوانجام دے چکے ہیں۔ حالانکہ روہت شرما نے سب سے تیزی سے 400 چھکے لگانے کا کارنامہ انجام دیا ہے۔ 400 چھکوں کے لئے روہت شرما نے 360 اننگز کھیلی۔ وہیں شاہد آفریدی کو437 اورکرس گیل نے 486 اننگز میں اپنے 400 بین الاقوامی چھکے پورے کئے۔ حیران کن یہ ہے کہ روہت شرما نے اپنے 100 چھکے پورے کرنے کے لئے 166 اننگز کھیلی تھیں۔ روہت شرما نے اس کے بعد 76 اننگز میں 200 چھکوں تک پہنچے اور300 اور400 چھکے انہوں نے فی کس 59 اننگز میں پورے کئے۔ روہت شرما نے ویسٹ انڈیزکے خلاف ممبئی ٹی 20 میں طوفانی اندازمیں بیٹنگ کرتے ہوئے محض 23 گیندوں پرنصف سنچری مکمل کی جس 4 چھکے اور4 چوکے شامل ہیں۔
