نئی دہلی، 28ستمبر (سیاست ڈاٹ کام) کانگریس نے اپنے سوشل میڈیا محکمہ میں تبدیلی کرتے ہوئے روہن گپتا کو اس کا صدر مقرر کیا ہے ۔کانگریس کے جنرل سکریٹری کے سی وینوگوپال نے ہفتہ کو یہاں ایک بیان میں یہ اطلاع دی۔ انہوں نے بتایا کہ پارٹی کی صدر سونیا گاندھی نے گپتا کے نام کو منظوری دی ہے ۔ اس طرح پارٹی نے اپنے کسان کانگریس محکمہ کے لئے دو نیشنل جوائنٹ کوآرڈی نیٹر بھی مقرر کئے ہیں۔ ان عہدوں کے لئے سونیا گاندھی نے گروسمرن سنگھ مانڈ اور بابو راو منڈے کے نام کو منظوری دی ہے ۔سونیا گاندھی نے حال میں سڑکوں پر احتجاج کے ساتھ سوشل میڈیا کی اہمیت بھی بیان کی تھی۔
