دیگلور۔ 12 ستمبر (سیاست ڈسٹرکٹ نیوز) دیگلور ڈیویژن میں مواضعات کے خستہ حال وگٹھنے برابر گڑھے سڑکوں میں و روز افزوں حادثات و جانی ہلاکتوں کو لے کرکے شیوسینا ادھو ٹھاکرے گروپ کی جانب سے ایگزیکٹیو انجینئر آفس گورنمنٹ گیسٹ ہاؤس پر زبردست دھرنا دیا گیا۔ دیگلور تا اودگیر روڈ پر واقع موضع چاکور میں کثیر آبادی ہونے کے باوجود ہائی وے سے موضع میں جانے کے لیے گزشتہ 20 سال سے مسلسل نمائندگیاں کی جا رہی ہیں تاہم موضع چاکور کو جوڑنے کے لیے پختہ راستہ یا سڑک نہ ہونے کے باعث بیمار اور ضعیف مرد و خواتین دیہاتیوں کو اس کے علاوہ اسکول جانے والے طلباء بالخصوص طالبات کو انتہائی مشکلات کا سامنا کرنا پڑ رہا ہے جس کو لے کر شیو سینا کی جانب سے ضلع نائب صدر مہیش پٹیل کی صدارت میں گنگادھر پٹیل چاکورکر شیوسینا علاقائی صدر نے یہاں پر مرن برت بھوک ہڑتال کا آغاز کردیا ہے۔ اس موقع پر گنگادھر پٹیل کی تائید کرتے ہوئے سنبھاجی بریگیڈ کے ناندیڑ ضلع صدر جے جے راؤ پٹیل، شہر صدر سنجئے جوشی، تعلقہ صدر بھاگوت پٹیل سومور، ہوٹل کے صدر گنگادھر ونکلوار، کاٹھیواڑی سرکل کے صدر تکارام مہاراج کے علاوہ شیوسینا کے قائدین شیواجی سون کامبڑے، چندرکانت انگرتوار، بابو راجونے، لکشمن برادار،پنڈھری برادار، جیجے راؤ پٹیل کرڈ کھیڑ ان کے علاوہ کارکنان نے بھوک ہڑتالی کیمپ کو وزٹ کیا اور ایگزیکٹیو انجینئر ڈیویژن آفس پر زبردست دھرنا واحتجاج کیا ہے۔
