حیدرآباد:جی ایچ ایم سی انتخابات کے موقع پرکوکٹ پلی ڈیویثرن میں بی جے پی کے کارکنوں نے وزیر کے قافلہ کی ایک کار پر حملہ کردیا جس کے نتیجہ میں ان کی کار کے شیشے ٹوٹ گئے۔اس موقع پر کچھ دیر کیلئے کشیدگی دیکھی گئی۔حکمران جماعت ٹی آرایس اور بی جے پی کے کارکنوں و لیڈروں نے رائے دہندوں میں رقومات تقسیم کرنے کا ایک دوسرے پر الزام لگایا۔اسی دوران وزیر ٹرانسپورٹ پی اجئے کمار وہاں پہنچے تاہم برہم بی جے پی کے کارکنوں نے ان کی کاروں کے قافلہ کو روک دیا اور الزام لگایا کہ کار میں رقم رکھی ہوئی ہے جو رائے دہندوں میں تقسیم کرنے کے مقصد سے لائی گئی ہے۔اس موقع پر بی جے پی کے کارکنوں نے وزیر کے سیکوریٹی اہلکاروں کی کار پر حملہ کرتے ہوئے اس کے شیشوں کو نقصان پہنچایا۔دونوں جماعتوں کے متحارب گروپس کے جذبات کو سرد کرنے کے لئے چوکس پولیس کو مداخلت کرنی پڑی۔اس موقع پر کشیدگی دیکھی گئی۔
