وزیر داخلہ سے ایم ایس ایجوکیشن اکیڈمی کی تعلیمی کاوشوں کی کافی سراہنا
حیدر آباد، 2/ فروری: ( پریس نوٹ ) ۔ یونیسکو
(UNESCO)
کے تحت چلنے والے ورلڈٹین پارلیمنٹ میں ریاست تلنگانہ سے نمائندگی کرنے والی ایم ایس کریٹیو اسکول کی چار طالبہ نے آج ایم ایس ایجوکیشن اکیڈمی مینجمنٹ کے ہمراہ ریاستی وزیر داخلہ محمد محمود علی سے ملاقات کیا۔ ایم ایس ایجوکیشن اکیڈمی کے سینئر ڈائرکٹر ڈاکٹر محمد معظم حسین نے آج پریس کو اس کی جانکاری دی۔ انھوں نے بتایا کہ یونیسکو کے تحت چلنے والے دنیا کی سب سے بااثر پالیسی ساز ادارہ ورلڈٹین پارلیمنٹ میں گذشتہ ماہ ایم ایس کریٹیو اسکول کی 4 طالبات امینہ عزیز بنت محمد عزیز علی، عتیقہ عمودی بنت شیخ عبدالرحیم، ماریہ خالد ساچے بنت خالد ساچے، اورسمیرہ ام کلثوم بنت محمد رفیق کا چناوہوا تھا وہ آج ایم ایس مینجمنٹ کے ہمراہ تلنگانہ کے وزیر داخلہ محمد محمود علی سے ان کے آفس میں ملاقات کیا۔ انہوں نے بتایا کہ وزیر داخلہ نے ان چار طالبات کو تہنیت بھی پیش کیا اور ان کو کامیابی کی دعائیں دی۔ یہ چاروں دسویں جماعت کی طالبہ ہیں۔ اس ملاقات میں محمد محمود علی نے طالبہ سے ان کے پروجیکٹ پر بھی بات چیت کی۔ طلبہ کے جوابات سے وہ کافی متاثر ہوئے اور انہیں کامیاب مستقبل کی دعائیں دیں۔ اس موقع پر انہوں نے ایم ایس ایجوکیشن اکیڈمی کی تعلیمی کاوشوں کی کافی سرہانا بھی کیا۔ وزیر نے کہا کہ ایم ایس ایک ایسا تعلیمی ادارہ ہے جو دینی ماحول کے ساتھ ساتھ ماڈرن ایجوکیشن فراہم کر رہا ہے۔ اس ادارہ میں طلبہ کو تعلیم کے ساتھ تربیت اور اخلاقیات بھی سکھایا جاتا ہے جو لائق ستائش کام ہے۔اسکول کی تعلیم کے ساتھ ساتھ طلباء میں لائف اسکیل ڈیولپ کرنے کی اس پہل کی انہوں نے کافی تعریف کی اور کہا کہ ایم ایس ریاست تلنگانہ کا ایک مایہ ناز تعلیمی ادارہ بن چکا ہے جہاں سے طلبا ہر مقابلے میں کامیابی حاصل کر رہے ہیں۔ حالیہ میں ایم ایس سے دو طلبا کا IAS امتحان پاس کرنا بھی ایک بڑا کارنامہ ہے۔ ایم ایس ایجوکیشن اکیڈمی کے سینئر ڈائرکٹر ڈاکٹر محمد معظم حسین، اکیڈیمک ڈائرکٹر ڈاکٹر سید حمید اور ڈپٹی ڈائریکٹر سید ہ افروز بانو بھی طالبہ کے ساتھ اس ملاقات میں شامل تھیں۔ واضح رہے کہ یونیسکو
( UNESCO)
کے تحت چلنے والے اس ورلڈ ٹین پارلیمنٹ کے لئے جن 100اراکین (ایم پی) کا انتخاب عمل میں آیا ہے ان میں ایم ایس کریٹیو اسکول کی4 طالبات شامل ہیں۔ پورے تلنگانہ ریاست سے اس ورلڈ ٹین پارلیمنٹ میں نمائندگی کرنے والی یہ صرف 4 طالبات ہیں جنہوں نے منتخب اس 100 ممبران پارلیمنٹ میں اپنی جگہ بنائی ہے۔ اوریہ چاروں ایم ایس کریٹیو اسکول کی طالب علم ہیں۔
