بنگلور: کرناٹک میں مذہب تبدیلی مخالف قانون بنایا جائے گا۔ وزیر اعلی بسواراج بومائی نے اتوار کو کہا کہ مذہب تبدیلی مخالف بل کا مسودہ جلد ہی کابینہ کے سامنے پیش کیا جائے گا۔ اس کے بعد اسے بیلگام میں اسمبلی کے سرمائی اجلاس میں پیش کیا جائے گا۔ تاہم کانگریس نے اس بل کی مخالفت کرنے کا اعلان کیا ہے۔ پارٹی کا کہنا ہے کہ یہ بل اقلیتوں کو نشانہ بنانے کے لیے لایا جا رہا ہے۔ کرناٹک میں ریاستی کانگریس کے صدر ڈی کے شیوکمار نے کہا کہ یہ بل جس شکل میں بھی پیش کیا جائے گا، ہم اس کی مخالفت کریں گے۔
