کے سی آر پر اقلیتوں کے حقوق فراموش کرنے کا الزام، نظام آباد میں کانگریس ا میدوار محمد علی شبیر کا خطاب
نظام آباد ۔ 24 نومبر (سیاست ڈسٹرکٹ نیوز) شہر کے ڈ یویژن32 کھوجہ کالونی میں منعقدہ کانگریس پارٹی کے انتخابی اجلاس سے اربن امیدوار محمد علی شبیر نے عوام کو مخاطب کیا۔ کانگریس پارٹی اربن امیدوار محمد علی شبیر نے اپنے خطاب کے دوران کہا کہ کانگریس کاعلیحدہ ریاست تلنگانہ کا مقصد ریاست کی ترقی و تمام طبقات کی خوشحالی بشمول اقلیتوں کو انکے حقوق فراہم کرنا تھا لیکن برسراقتدار بی آر یس حکومت و چیف منسٹر کے چندر شیکھر راؤ نے اقلیتوں کے حقوق کو یکسر فراموش کر دیا، لیکن راہل گاندھی کی قیادت میں تلنگانہ میں کانگریس پارٹی کی حکومت بنے پر ریاست کی ترقی کے ساتھ ساتھ تمام طبقات بشمول اقلیتوں کے مسائل پر خصوصی توجہ دی جائے گی۔ انھوں نے کہا کہ ان کی توجہ دہانی پر کانگریس پارٹی نے راج شیکھر ریڈی کی حکومت کے دوران 4 فیصد ریزرویشن کو یقینی بنایا تھا جس کے نتیجے میں ریاست کے 20 لاکھ تعلیم حاصل کرنے والے طلباء نے استفادہ حاصل کیا اور اعلیٰ تعلیم کے ذریعہ ڈاکٹرز، انجینئرس، اور وکلاء و دیگر شعبوں میں اونچا مقام پر فائز ہیں۔ انھوں نے کہا کہ کانگریس پارٹی تلنگانہ میں اقتدار میں آنے پر 6 اہم گارنٹی کے علاوہ ریاست کی خواتین کو 500 روپے میں گیس سلنڈر فراہم کرے گی. ہر گھر خواتین کیلئے ہر ماہ 2500 روپے، مسلم گھرانوں کی لڑکیوں کو شادی مبارک اسکیم کے تحت 1 لاکھ 60 ہزار معہ 1 تولہ سونا دینے کا وعدہ پورا کرے گی۔ ریاست کی خواتین کو آر ٹی سی بس سفر کی مفت سہولت فراہم کرے گی، ہر گھر کے ایک ضعیف فرد کو ماہانہ 4000 روپے پنشن، بے گھر افراد کو اندرماں اسکیم کے تحت معہ زمین 5 لاکھ روپے تک کا لون، ہر مستحق افراد کو راجیو ہیلت اسکیم کے تحت 10 لاکھ تک مفت علاج کی سہولت موجود رہے گی۔ تمام پسماندہ طبقات کے طلباء کیلئے فیس کی ادائیگی. ذراعت و کاشتکاروں کیلئے 24 گھنٹے مفت بجلی فراہم کرنے کا وعدہ کانگریس پارٹی پورا کرے گی۔ انھوں نے کانگریس پارٹی کی جانب سے تلنگانہ کی عوام کیلئے انتخابی منشور جاری کیا گیا، جس سے بوکھلاہٹ کا شکار ہو کر بی آر یس تلنگانہ ریاستی حکومت و چیف منسٹر کے چندر شیکھر راو 10 سالہ اپنے دور اقتدار کی تکمیل کے بعد بلنگ بانگ انتخابی دعوے اور وعدے کررہے ہیں جسے وہ کبھی پورا نہیں کر سکتے۔ اس انتخابی جلسہ کو آل انڈیا کانگریس کمیٹی جنرل سیکرٹری اقلیتی امور محمد عمیر خان، امیٹھی کے کانگریس پارٹی رہنما آلو میاں، مقام سینئر کانگریس پارٹی قائدین ریاستی نائب صدر کانگریس طاہر بن ہمدان، سابقہ وقف بورڈ صدر جاوید اکرم، و دیگر نے خطاب کیا اس موقع پر سینئر کانگریس پارٹی لیڈر سید نجیب علی ایڈوکیٹ، کانگریس پارٹی انچارج و سابقہ کارپوریٹر ڈیویژن 32 مجاہد خان،جاوید خان، میناریٹی چیئرمین کانگریس محمد عرفان علی، کارپوریٹر ہارون خان، محمد الیاس، ایم اے سمیع و دیگر قائدین موجود تھے۔