مکہ مکرمہ ( کے این واصف ) : مسجد نبویؐ کی انتظامیہ نے خواتین کے لیے روضہ رسول ؐ کے مقام کی زیارت اور وہاں نماز کی ادائیگی کیلئے وقت مقرر کردیا۔سعودی پریس ایجنسی کے مطابق مسجد نبوی ؐ کی انتظامیہ نے خواتین زائرین کیلئے ریاض الجنہ کا شیڈول جاری کیا ہے جس کے مطابق اب خواتین دن بھر میں 2 مرتبہ روضہ رسولؐ کی زیارت اور وہاں عبادت کرسکیں گی۔انتظامیہ نے خواتین کیلئے صبح 6 بجے سے 11 بجے اور رات میں 9:30سے 12 بجے کے اوقات مقرر کیے ہیں۔تاہم جمعہ کے روز اوقات کار تبدیل ہوجائیں گے جس کے تحت خواتین جمعہ صبح 6 سے 9 اور رات میں 9:30سے 12 بجے کے دوران ریاض الجنہ میں داخل ہوسکیں گی۔
